MARISONG.RU

Муро, муро тый от лий гын...

/** *
*
* * * * * * * * * * * * * * *
Get Adobe Flash player
* *
* *
*
*
*/

Чыла материал

Шуматкече, 06 Ӱярня 2021

Геннадий ГРИГОРЬЕВ. Биографий

Рейтинг:   / 0

Геннадий ГРИГОРЬЕВ. Самодеятельный автор, мурызо, бард.

Григорьев Геннадий Владимирович 1959 ий 25 майыште Марий АССР, Параньга районысо Усола ялеш шочын.

1966 ийыште Параньга поселкысо интренат-школын икымше классышкыже каен.

1970–1976 ийлаште Олор кыдалаш школышто шинчымашым поген.

1976 ийыштен тиде школым пытарен да Усола ялысе «Дружба»колхозышто паша ышташ тӱҥалын

1979 −1981 ийлаште Ежово селасе Марий совхоз-техникумышто (кызыт Марий аграрный колледж) зоотехник-организаторлан тунемын. Тудым пытарымеке, «Дружба» колхозышто ферме вуйлатышылан тыршен, умбакеыже Крым областьысе ик озанлыкыште зоотехник-селекционерлан пашам ыштен.

1986 ийыште Йошкар-Олаште илаш куснен да, пенсийыш лекмешкыже, КПД ден ЖКО-што кровельшиклан, бригадирлан ыштен.

Икымше мурым 1976 ийыште возен. Тӱрлӧ жапыште Усола, Олор ялласе, Крым областьысе ВИА-лаште бас-гитаре дене шоктен да мурен. 200 наре мурын авторжо. Эн палымыже –«Ош куэ».

2009 ийыште поэтессе Раисия Сунгурова дене пырля «Ме марий улына» мурым возеныт (А. Речкин, А. Ибулаев мурат). Тиде муро – марий самырыктукым слётын гимнже.

Геннадий Григорьев 2007 ий гыч Республикысе марий тӱвыра рӱдер пелен «У муро» студийым вуйлата. (тылеч ончыч «Югорно» бард-клубын  вуйлатышыже лийын). Тиде студий кызыт палыме шуко мурызын кушташ полшен. Нунын коклаште Александр мамаев, Ольга Якимова, Виткория Тихонова, Полина Савельева, Ольга Богачёва, Татьяна Фоминых да молат улыт.

Геннадий Григорьев – шуко авторский муро фестивальын лауреатше Тудо Киров областьысе Вятские Поляны, Коми республикысе Сыктывкар, Пермь кундем Кудымкар олаште, Марий Элысе Яльчик ер воктене эртыше муро пайремлаште усталыкшым ончыктен. Тылеч посна Башкортостанысе, Татарстанысе, Удмутрийысе, ХМАО-Юграсе мураланлаште выступатлен.

Геннадий Григорьев – кок почеламут книган авторжо: «Корныеҥ» (2009) да «100 да 50 йолагай почеламут» (2010). Муро-влакше 10 утла сборникыш да шуко дискыш пурталтыныт. Мыскара почеламутшо-влак ятыр гана «Ончыко» журналыште, «Марий Эл» ден «Кугарня» газетлаште печатлалтыныт.

Геннадий Григорьев шке жапыштыже «У вий» ушем ден МАФУН-ын чолга участникше лийын. Удмуртийыште, Мордовийыште, Йошкар-Олаште нунын эртарыме шуко фестиваль ден слётышто шкенжым ончыктен.

 Материалым

Григорьев Геннадий Владимирович родился 25 мая 1959 года в деревне Усола Параньгинского района Марийской АССР. В 1966 году начал учится в Параньгинской школе-интернате. В 1970–1976 годы учился в Олорской средней школе, после ее окончания начал работать в колхозе «Дружба». В 1979–1981 годы учился на зоотехника-организатора в Ежовском совхоз- техникуме. После окончания техникума работал заведующим Усолинской фермой. Далее его судьба забросила в Крымскую область.Там он работал в одном из хозяйств зоотехником-селекционером.Но его всегда тянуло на Родину и в 1986 году он возвращается и устраивается работать на стройку, где он проработал до пенсии. Хотя он работал на стройке, его душа всегда тянулась к музыке. Люди старшего поколения деревни Усола помнят, в свое время при Усолинском СДК работал ВИА «Юность», которым руководили в разное время Сунгуров О. С.,Зайцев Ю. А., Григорьев Г. В.В этом ВИА играли и пели Григорьев А. Х., Кузьминых А. Д., Зайцев О. Н., Кузьминых Н. М., и другие. А Геннадий Григорьев не только играл, но писал слова и музыку песен. Самая знаменитая песня того времени «Ош куэ» (Белая береза). Какое это было прекрасное время! Остается только вспоминать! Дискотеки проходили под живую музыку, на танцы приезжала молодежь с близлежащих деревень, с концертом объездили большинство районов республики. Концерт всегда начинался и заканчивался песней «Усола», слова и мелодию, к которой написал Геннадий Григорьев. Сейчас эта песня является гимном деревни Усола. Геннадий автор более 200 песен. В его песнях звучит тема любви к родной стороне, размышления о смысле жизни, о любви. В 2009 году вместе с поэтессой Раисией Сунгуровой написали песню, »Ме марий улына «, (Мы марийцы),которая стала гимном слета марийской молодежи. С 2007 года он возглавляет в Центре Марийской Культуры студию »У муро «(Новая песня). Также он возглавлял бард-клуб «Югорно» («….»). Этот клуб вывел на сцену республики таких известных певцов-Виктория Тихонова, Татьяна Фоминых, Александр Мамаев,Ольга Якимова и многих других. Геннадий Григорьев-лауреат многих фестивалей авторской песни. Свое мастерство он показывал на фестивалях и концертах в Кировской области, в республиках Коми, Башкирии, Татарстане, Удмуртии, в Пермском крае, ХМАО, в Марий Эл он со своими песнями объездил все районы. Награжден многочисленными грамотами, дипломами. Он автор 2-х книг со стихотворениями. Его песни вошли в 10 сборников, юмористические стихи неоднократно печатались в журнале «Ончыко», (ВПЕРЕД), в газетах «Марий Эл», «Кугарня» (Пятница).Также в свое время Геннадий был активным участником марийской молодежной организации «У вий» (Новая сила). Его песни, стихи звучат со сцен клубов, концертных залов. В родной деревне Усола его не забывают, приглашают на праздники, на мероприятиях звучит его гимн-песня «Усола».

Светлана Ларионова, художественный руководитель Усолинского СДК.

тӱрысрак

Вӱргече, 24 Пургыж 2021

Валерий ТИХОНОВ нерген

Рейтинг:   / 0

Валерий ТИХОНОВ — (20 ноябрь 1965 ий16 ноябрь 2020 ий) (статьям ЕШАРАШ да ТӦРЛАТАШ кӱлеш) Самодеятельный автор, мурызо, баянист

Тихонов Валерий Сергеевич Морко район Кумыжъялыште 20 ноябрь 1965 ийыште шочын.

1975 −1982 ийлаште — художественно-музыкальный школ-интернатыште тунемын.

1982 — 1985 ийлаште — Палантай лӱмеш музыкальный училищыште баян дене отделенийыште шинчымашым налын.

1985 — 1986 ийлаште — Морко йоча музыко школышто баян классыште преподавательже…..

Тичмашнек тыште — http://marisong.ru/informaci/artisty/204-valerij-tikhonov-biografij

тӱрысрак

Валерий ТИХОНОВ - биографий

Рейтинг:   / 0

Валерий ТИХОНОВ  — (20 ноябрь 1965 ий16 ноябрь 2020 ий) (статьям ЕШАРАШ да ТӦРЛАТАШ кӱлеш)

Самодеятельный автор, мурызо, баянист

Тихонов Валерий Сергеевич Морко район Кумыжъялыште 20 ноябрь 1965 ийыште шочын.

1975 −1982 ийлаште — художественно-музыкальный школ-интернатыште тунемын.

1982 — 1985 ийлаште — Палантай лӱмеш музыкальный училищыште  баян дене отделенийыште шинчымашым налын.

1985 — 1986 ийлаште — Морко йоча музыко школышто баян классыште преподавательже

1986 — 1988 — СССР армий радамыште службым эртен

1988 — 1991 — Шкетан лӱмеш Марий музыко да драма театрыште оркестын артистшылан ыштен.

1991 ий — Музыкально-художественный школ-интернатыште баян классыште преподаватель

1991 — 1998 — Советский район Вятский тӱвыра пӧртыштӧ художественный руководительже.

1998 — 2005 — Вятский кыдалаш школышто туныктышо, концертмейстер лийын.

2005 — Марий тӱвыра рӱдерыште методист 

2005 — 2020 — Республикысе «Калык усталык да культурканыш паша шотышто шанче-методик рӱдер» кугыжаныш тӱвыра бюджет тӧнеж пелен улшо  «Марий Памаш» фольклор-этнографий ансамбльын аккомпаниатор, концертмейстерже

Тыгак шуко жап «Марий Эл Республикын ешартыш шинчымашым пуышо «Калыкле президент сымыктыш школ» тӧнежыште аккомпаниаторлан паша ыштен.

 

1991 ийыште мурым возаш тӱҥалын. Возымашыжым  ятыр мурызо да тыгак шкежат мурен.

Муро книга-влак:

2004 ий — «Чоныштем муро йонга» муро сборникым луктын

2010 ий — «Блок нот» по народному танцу. Учебный репертуар ДМШ и ДШИ

20.. ий — «Шулдыраҥын чоҥеште мурем» муро сборникше лектын

 

2008 — Марий Эл Республикын Тӱвыра, савыктыш да калык паша шотышто министерствын чап грамотыжо

2010 — Марий Эл республикысе Кугыжаныш погынын чап грамотыжо

2015 — Мер Каҥашын чап таныкше

2016 — Марий Эл  республикысе Виктерын чап грамотыжо

Тихонов Валерий Сергеевич родился 20 ноября 1965 года в МАССР Моркинском районе д. Кумужъял

1975 — 1982 годах — учеба в музыкальной школе-интернате

1982 — 1985 года — Учёба музыкальном училище имени Палантая

1985 — 1986 г.г.— Преподаватель по классу баян Моркинской детской музыкальной школы

1986 — 1988 — служба в рядах армий СССР

1988 — 1991 — Артистом оркестра Марийского драматического театра

1991 ий — Принят в музыкально-художественную школу-интернат в качестве преподавателя по классу баян

1991 — 1998 — Художественный руководитель Вятского сельского Дома культуры Советского района

1998 — 2005 -  преподаватель концейтмейстер Вятской средней школы

2005 — методист  ГУК РМЭ Центр марийской культуры

2005 — 2020 — аккомпаниатор, концертмейстер народно-фольклорно-этнографического ансамбля «Марий Памаш» Республиканского научно-методического центра народного творчества и культурно-досуговой деятельности 

 

2008 — Почетная грамота Министерства культуры, печати и по делам национальностей

2010 — Почетная грамота Государственного Собрания Республикик Марий Эл

2015 — Почетная грамота Всемарийского Совета

2016 -  Почетная грамота правительства Республики Марий Эл

 

тӱрысрак

Кушкыжмо, 16 Пургыж 2021

Михаил ВЕСЕЛОВ биографий

Рейтинг:   / 0

Veselov MМихаил ВЕСЕЛОВ  -  24.06.1983 -   мурызо, самодеятельный автор, гармоньчо

Веселов Михаил Иосифович 1983 ий 24 июньышто МАССР Параньга район Кугу Пумарий (Елеево) селаште шочын. 

1989 ийыште   Кугу Пумарий школышко 1 классышке каен.

1998 ийын 9 классым тунем пытарен да Шернур СПТУшко каменщиклан тунемаш пурен.

2000-2002  — Тихоокенский флотышто службым эртен.

2002- 2003 ийыште контракт почеш служитлен.

Мӧҥгыже пӧртылмек амалкалче да тӱрлӧ сомылым шукташ тӱҥалын. Концерт-влак дене коштеш. Шкет да тӱшкан выступатла.

2005 ийыште  Надежда Веселова (Князева) дене ушнат.

Кум йочашт уло. Богдан (2006), Глеб (2008), Милана (2014).

Уверым налме.  Н. Веселоваhttps://vk.com/id236304268   М. Веселовhttps://vk.com/veselamari

2018 ийыште сольный  DVD да CD-дискше-влак лектыныт.

CD —  «Шке илыш нергенем», DVD – «Шке илыш нергенем»

2018 ийыште Елеево да Йошкар-Олаште сольный концертше-влак эртеныт.

«Марий Эл» газет гыч статья. 2018 ийыште лектын. Журналист Алевтина Байкова интервьюм налын.

 «Пелашемлан вес семын мурем»

Шукерте огыл тиде артистын гармоньым шоктен мурымыжым куанен ончен шинчышым. Чынрак каласаш гын, тавалтен, тавалтен, кидым кырен нойышым. Мылам веле огыл, зал калыкат сценыш тудым кум гана лекташ йодын. Мастарын шокталтен, муралтен, чоян ончалын колтымыжо денак калык чоныш куаным пурта, тавалташ тарата. Тиде – Михаил Веселов.

Миша Параньга районысо Кугу Пумарий ял гыч. Тусо клуб пеленсе «Куван кеҥеж» ансамбльын аккомпаниаторжо. Кунамсек тудо гармоньым шокта? Мурым возаш мо таратен? Шкеж дене вашлийын икмыняр шомакым вашталтышна.

— Гармоньым 12 ияшем годсек шоктем. Авамын шольыжын гармоньжым эре темдыштынам. Изишак сем лекмеке, куанен, эшеат чот тыршенам. Кок ий гыч марла мурым возен, йоҥгалтараш тӱҥалынам. А тиддеч ончыч руш муро-влакым возенам, муренам. Тунам школ пелен «МВС» ансамбльым чумыренна ыле. Тушто Миша, Владимир, Стас да икмыняр ӱдыр лийынна. Тунам рушлат, марлат шке йӱк дене муренна. Вес районлаштат ӱдыр-влакын чоныштым «йӱлалтенна». Поснак Марий Турек велне концерт дене мийыме келшен. Тушто кажне клубышто зал тич калык куанен вашлийын.

— Концертыште йот мурын семжылан Роза нерген мурым калык куанен колыштын. Тудо кєн лўмеш?

— Роза – авамынат, пелашемынат лӱмжӧ огыл. Роза лӱмым Надяланат вашталтынем ыле, но… Лач роза пеледыш веле ал, йошкар да моло чевер тӱсан лийын кертеш. Адакшым пелашемлан кажне пайремлан манме гаяк роза-пеледышым пӧлеклем. Мурышто «Розам» «Надялан» вашталтен, пелашемлан мӧҥгыштӧ мурен кертам.

 «Роза» мурем аван кечыж деч ик кече ончыч возенам ыле. Тудым икымше гана ялысе клубыштына эртарыме концертыште чыла ава-шамычлан пєлекленам. Кеч-кӧланат Ава – эн шерге айдеме. Лач нуно, муро гоч шкеныштын рвезе годсо пагытыштым шарналтышт манын, шоненам. Тыгак рвезе-влакын чоныштым йӱлалташ шонымаш лийын.

— Тугеже йӧратымаш теме тылат лишыл…

— Самырык годым кажныжым тиде шӱлыш авалта. Чын, мылам тиде теме эн лишыл. Илыш нергенат, телевизорым ончымеке, рекламе нергенат тӱрлӧ мыскара такмак-влак шочыныт. Но але марте дискым луктын шуктен омыл. Лишыл жапыште лач тиде пашалан пижнем. Муро, такмак-влак ик дисклан веле огыл ситыше погынен.

— Мурымат возет, семымат келыштарет. Икымше аклышет кӧ?

— 2005 ийыште ешаҥынам. Тиддеч вара кажне мурын я семжым, я мутшым пелашем икымше гана колеш. Тудо колыштеш, акла. Эн ончыч сем шочеш гын, мурын мотившым йодеш. Пелашемлан келша гын, «возо» манеш.

— Пелашет сценыште мура мо?

— Шкенжын ойлымыж почеш палем: тудо изиракше годым сценыште мурен. А кызыт лач мӧҥгыштӧ пайрем але родо-тукым дене чумыргымо годым пырля муралтена. Кок эргына кушкыт. Кугуракше, Богдан, мыйын семынак гармоньым шокташ йєрата. Семӱзгарым темдыштмем годым парня-влак модмым тӱткын эскера. А изиракше, Глеб, мураш кертеш.

— Еш ансамбльымат чумыраш шонымашда лийын огыл?

— Ешыште чылан мураш мурен коштшаш огытыл, шонем. Мыйым ончен тек куанат,— воштылмо йӧре каласыш Михаил.

— Иктаж вес семӱзгар дене эше шоктет?

— Гитар дене шокташат келша. Поснак армийыште служитлыме годым яра жапыште, йолташ-влак чумырген, веселитленна. Мый марий мурым муренам. «Йот мурымат мурен моштет?» — коклаште йодшо лийыныт. Юрий Панфилов йолташ дене, тудо Дальний Восток гыч, мурым шке возымына кызытат ушыш пура.

Икманаш, гармонь дене шоктышо-влак коклаште самырык-влакын ешаралтмыштым сайлан веле шотлаш лиеш. Тугеже мотор йӱкан гармоньын семже сцене илышыште веле огыл, яллаштат илаш да шокташ тӱҥалеш.

А. Байкова. «Марий Эл» газет.

тӱрысрак

Кугарня, 05 Пургыж 2021

ИДАЛЫКЫСЕ муро - 2020

Рейтинг:   / 0

Mari IDALIK 2020

Идалыкысе муро — 2020 ийысе муро фестивальын  иктешлымашыжым Марий Эл радио онлайн йӧн  дене эртарен колтыш. 5 февраль кастене 19 шагат гыч 21 шагат марте опер да балет теарыште лач артист, вӱдышӧ да автор-влак лийыныт. Туге гынат интернет гоч шукын онченыт. Тыгак  радиоштат  вияш эфирыште трансляций каен.

Чыла гаяк лӱмло да шуко самырык мурызо-влак сценыште шке койыш шоктышытым ончыктен улыт.  Теве выступатлыше-влакын спискышт. Ончалын  кертыда 

Mari IDALIK 2020 - 1Mari IDALIK 2020 - 2

Mari IDALIK 2020 - 5

 Кумылан-влак ютубышко пурен эше ик гана ончен кертыт.

https://www.youtube.com

Ик оҥай пале сценыште уло ыле. «Пел» Шкетан театр фестивальыште выступатлыш. Кок вӱдышӧ М. Почтенева ден А. Асмаев да мурызо-влак С. Сандакова, С. Строганова, И. Антропов, А. Юнусов,  Качыри бавай (С. Малинина)

Теве 2020 ийысе номинацийыште сеҥыше-влдак: Гран-при — Игорь Антропов  — Канде муро (А. Горинов- Е. Анисимов)

Интернет йӱклымаш номинаций  — Евгений Иванов – Марий мланде – шочмо вер» (Т. ПчёлкинаИ. Егоров)

Эфир йӱклымаш – Марина Иванова – «Шочмо кечет дене ковай» (Х. АлександроваВ. Апталиков)

Фестиваль жапыште йӱклымаш – «Качери бавай» — «Антивирус муро» (Качери бавай – С. Устюгов) да тыгак мучашыште тиде муро дене касым мучашлышт. Вес фестиваль марте.

тӱрысрак

Кушкыжмо, 02 Пургыж 2021

Артур Ефремов биографий

Рейтинг:   / 0

ARTUR EFREMOVАРТУР ЕФРЕМОВ – (28 октябрь 1984 ий5 май 2020 ий)

Ефремов Артур Александрович (мурызо, самодеятельный автор, гармоньчо) Советский район Люперсола ялыште 28 октябрь 1984 ийыште шочын.

1991 ийын Шуарсола кыдалаш школышко каен.

9 классым тунем лекмек 2000 ийын Йошкар-Оласе «Палантай лӱмеш тӱвыра да сымыктыш колледжышке» «Семӱзгар-влак дене шоктымаш» отделенийышке тунемаш пура.

Ик жап омса ыштымаште ыштен.

2006 ийыште ӱдырым налын. Морко район гыч Галина дене ушнен. Кок ӱдыржӧ Карина (200¬¬¬_) дене Лиза (Елизавета 2013 ий) шочыныт.

2009–2010 ийлаште армийыште службым ыштен. Самара олаште связь войскаште лийын.  (40278,п.Мирный. ВВС и ПВО Самарская область. Узел связи. Россия, 2009–2010)

Шкетын да тыгак «Чоным почын мурена» проект дене пырля выступатлен. 2016 да 2018 ийлаште Йошкар-Олаште да Волжск олаште сольный концерт-влакым эртарен.

17 октябрь 2019 ийыште ДТП-шке логалын.

5 май 2020 ийыште ӱмыржӧ лугыч лийын.

2020 ий мучаште сольный дискше лектын. Тушко 32 муро пурен.

 

 АРТУР ЕФРЕМОВ — Ефремов Артур Александрович (певец, самодеятельный автор, гармонист) родился 28 октября 1984 года в деревне Люперсола Советского района Марийской АССР.

тӱрысрак

Изарня, 05 Кылме 2020

2021 ийлан календарь-влак

Рейтинг:   / 0

Mari kalendar 2021 perekid Пытартыш жапыште шуко календарь-влак лектыт. «Мари-рекордс» продюсер рӱдер 2021 ийлан марий юмыйӱла пайрем палдарымаш  дене икмыняр календарь-шамычын темла. Тыланда ончалаш да налаш веле кодеш.  Муаш шонеда гын, календарьлаште телефон, вотсап да вайбер улыт.

  Mari kalendar 2021 Lymari

Mari kalendar 2021 Paranga  Mari kalendar 2021 perekid

тӱрысрак

Кушкыжмо, 27 Шыжа 2020

Марий календарь - 2021

Рейтинг:   / 0

Вашке у календарь лектеш. Марий календарь-2021. Тыште 12 тӱрлӧ районласе гармоньчо-влакым ужаш да нуным ончен куанаш лиеш. Кажне лаштыкыште марий йӱла пайрем-влак ончыкталтыт. Шкендан кундемысе гармоньчыда тендамат куандарат, а марий йӱла пайремже пеш сай палдарымаш лийыт. Икманаш ВУЧЫЗА!!! Теве тыгайрак фото-влак тушто лийыт. А тыгай сылне фотографий-влакым ВАЛЕРИЙ ПОЛИКАРПОВ ыштен. Лач Башкирий да Курык марий районысо фото-влакым вес фотограф-влак ыштеныт.

Mari kalendar 2021 perekid

тӱрысрак

Шочмо, 19 Шыжа 2020

Ойган увер. Мурызо да самодеяльный композитор Валерий Тихонов уке лие.

Рейтинг:   / 0

Марий эстрадышкына адак ойган увер   тӱкален пурыш.

Тихонов Валерий Сергеевич

 

16 октябрь 2020 ийыште кумдан палыме марий мурызо Валерий Тихоновын ӱмыржӧ лугыч лийын. Тудо шочын-кушкын Морко район гыч.  Йошкар-Оласе школ интернатыште тунемын. Варажым Палантай лӱмеш музыко училищышым тунем лектын. Марий кугыжаныш университетыште шинчымашым кумдаҥден

Советский районышто пашам ыштен. Семым келыштарен, муро-влакым возен. Эн ондак самодеятельный автор семын ме тудым мурызо Николай Головин гоч пален налынна. Валеран возымо муро-влакшым марий муро тӱняште луктын. Но вара тудо шкежат мураш тӱҥалын. Шуко сылне муро-влакым возен да мурен. (тыште колышт кертыда https://vk.com/mari_muro) Но каласыман Валерий Сергеевич муро-влакшым шкеже гына гына мурен огыл, а весе-влакат мурат. Мурыжлан семым возен да артист-влаклан пуен. Пытартыш жапыште тудын мурыжым шуко мурызо-влак йоҥгалтарат.

Твыра да сымыктыш тӱняште тудо шолын. «Марий Памаш» ансамбльын концертмейстерже лийын. Калыкле президент школышто пашам ыштен. Тыгак амалкалче семын тӱрлӧ вере концертын организаторжо лийын. Шкежат шуко вере мурызо семын выступатлен.

20 ноябрьыште тудлан 55 ий темеш ыле. Ыле шомак дене веле таче кодына.

Кугу чаманымашым ешыжлан, родо-тукымжылан каласена. Узьмакыште лий, Валерий Сергеевич…

тӱрысрак

Шочмо, 12 Шыжа 2020

"Шыже весела кумыл" мыскара концерт. Морко-влак

Рейтинг:   / 0

Уремыште мотор шыже кече озалана. Йырваш гын «керемет» коронавирус. Но Йошкар-Оласе Ленин лумеш тӱвыра полатыште Морко кундем гыч толшо мыскараче-влак озаланышт. Тыгай томаша 11 октябрьыште лие.

morko vesela

Нимо деч лӱдде толыныт да сайынак калыкым куандарен кодышт. Калык гына изиш чӱдырак ыле. Вет залыште кок пӱкен гыч веле шинчаш лиеш ыле. Да лӱдын толдымыжат лийыныт. Моланже умыледа шонем. Но калык толын. Шошо годсек тиде концертым вучен. А эн тӱҥже концерт тугай вашкен да писын эртен кайыш. Кеч кок шагат утла шуйныш гынат, жап ыш шижалт. Мучашлан пытыш мо? манын йодыш лекте.

Тӱҥалтышыштак ковай-влак мыскаралан корным почыч, «Рвезылык» куштышо ансамбль кумылым пуыш, а Морко кундем Изи Кушна ялын мыскарачыже-влак мыскара тамым ешарышт да концерт ик шӱлыш дене эртыш. Морко калык театр, Наталия Алексеева, Наталия Никифорова, Арын Чодраялын (Е. Семёнова ден В. Петров) мыскарачыже-влак да моло-шамычат  шӱм-чонымак чыгылтен нальыч. Чынак, Анна Васильевна Якушева, а тудо тиде программым чумырен, чаплын ужын моштен да оҥай артист-влакым конден. И муро и куштымаш, а мыскараже гын тесте наре ыле. Калык мучашыште кужу жап кид совышым ялысе артист-влаклан пӧлеклыш. Тыге кугу деч кугу таум ойлыш. А мый гын ешарынем. Умбакыжат Морко-влак, мыскара флагдам тыгак пеҥгыдын кучаш!

Кумылан-влак видемом тыште ончал кертыда.    https://youtu.be/AHJbRQ845N0

тӱрысрак