MARISONG.RU

Муро, муро тый от лий гын...

/** *
*
* * * * * * * * * * * * * * *
Get Adobe Flash player
* *
* *
*
*
*/

Чыла материал

Изарня, 01 Вӱдшор 2021

ТОВЛО кечылан стикер-влак.

Рейтинг:   / 0

 «Мари-Рекордс» продюсер рӱдер деч ТОВЛО кечылан стикер-влак.

TOVLOKECHE stikerВашке Товло кече толын шуеш. 5 апрельыште йӧратымаш кече «ТОВЛО КЕЧЕ». Тиде амал дене Марий Эл радио конкурсым эртара. Участник лийын кертыда.  https://vk.com/mari_el_radio. Тыгак Шкетан театр  кок пайремым иктышке ушен спектакль сынан концертым темла.  «Товло кече але Сопром ватым кычалеш». 3 апрельыште ончаш лиеш.  https://vk.com/shketan 

Но… пайрем кечын интернетыште шинчыме годым саламлыме шуеш. Тидлан стикер-влак лукмо. ТОВЛО кечылан пӧлеклалтше 5 стикерым сӱретче Любовь Ткаченко «Мари-Рекордс» продюсер рӱдерын йодмыж почеш  ямдылен. Тудым Телеграмм каналыште муаш лиеш      https://t.me/addstickers/TOVLOKECHE

TOVLOKECHE 1  TOVLOKECHE 2 TOVLOKECHE 3 TOVLOKECHE 4 TOVLOKECHE 5

тӱрысрак

Кушкыжмо, 30 Ӱярня 2021

Лӱддымӧ поэт да тале ковай. Сабанцев-Ояр але Качыри бавай...

Рейтинг:   / 0

Лӱддымӧ поэт да тале ковай. Сабанцев-Ояр але Качыри бавай…

                      «Идалыкысе муро — 2020» деч вара. Ӧрын. Ойганен. (Ончыко 2021 № 3)Onchiko 3 2

Канде монитор воктене

Шинчылтам ораде гай:

Калык моктымо йӱк дене

Сеҥыш «Качыри бавай»?!

     Ты «мур» манме, кудым сценыш

     Лишкыжат кондаш ок лий,

     Ончылтен чылаштым, сеҥыш –

    Тӱня кайыш унчыли?

Ончалам мый шӱлык темын:

Сай, шотан артист-влакшат

У ий кож йыр пӧрдмӧ семын

«Качери» йыр тавалтат.

         Марий калык. Мо тый лийыч?

         Пӱркытла нӧлтшаш олмеш

          Ӱнаретше ий гыч ийыш

          Лунчырген, пытен толеш.

Радио шукта пожалтын –

Витараш пижеш: ля-ля…

Окмакат лият, пожале,

Тыгай «муро» ден пярля.

         Муро веле мо? Ончалза:

          Саргая олян-олян

         Але марте тӱзланалше

          Шочмо чылнымут алан…

Ужынас пӱртӱс гыч: кушко

Туто пырче огеш воч,

Вик шарла оккӱллык кушкыл –

Ир лопшудо да урвоч…

         Сылнымут нурат тыгае:

         Сай мутна пыта аман,

         Да пошат коншудо гае

         «Почела-муть», шӱкшак «роман»

«Юмо дечын ю вий патыр» -

Сугыньлен коден Чавайн.

Пытыш моли, ӱштылалын,

Чонышто ты мут-авай?

         Тидлан веле йӧрена мо,

          Почешна кунам ыҥгай

         Лӱмдыл, игыдт кычкыралыт:

         «Эй, тый, «качери-бавай»!

Кече дек огеш мо викте

Оҥгыр йӱкшым чон турий,

А кодеш тугакак икте:

«Марийлан, айда, «ярий…»?..

         Намысетым помыжалте,

        Родо-таҥ, шонен айват:

       Шкендым шке кунам от жапле,

       Ок пагале нигӧат.

Улшыжат йомеш мо йыклык?

Иша шӱмым керемла

Кочо шӱлык – йыр окмаклык

Шке пайремыжым пайремла…

 

Тиде почеламут Ончыко журналын 3 номерыштыже печатлалтын. Марий Элын калык поэтше Геннадий Сабанцев –Ояр возен. Пытартыш жапыште писатель, поэтна-влак шукыж годым дифирамбе –шамычым гына возат. «Тыште мыскарам чыкалтем. Чыланыштын илымышт шуеш да кочмышт. Кум гана, а южгунамже и нылыт. Тиде кечылан, а арнялан огыл». А почеламут пеш чапле, оҥай да жапыштыже лекше. Но тудо годымак мый Качыри бавайым мыскылмем, вурсымем  ок шу. Тудо кызытсе жаплан лач мемнан ончыкта. Вет ме! тыгай улына. Шкеже шылын шинчын ушан ойым ойлена. Но лач пел марий веле кодынна. Шукышт лач и кутырат, пеле-пуле. «Ончылеҥ-влак»  телевидений да радиошто  мотор да чапле улына, а шкеже лач Качыри бавай.

Но умбакыже…лучо «Ончыко» журналым 3 номерыжым кидышке налза. Тушто Геннадий  Сабанцев-Ояр и коронавирусым локта, айдеме нерген шоналта, пиал нергенат шонкала. Икманаш, мутсаскажым лудын чапле «вуй модыш» касым эртареда.

Кушто муаш маныда. Тиде еҥ деч йодса. Игорь Попов — тӱҥ редактор.

тӱрысрак

Изарня, 18 Ӱярня 2021

Виталий ЯНДЫГАНОВ. Биографий

Рейтинг:   / 0

Виталий ЯНДЫГАНОВ – самодеятельный композитор,  автор, мурызо да баянист

iandiganovЯндыганов Виталий Захарович 1952 ий 10 январьыште МАССР У Торъял район Какшамбал (Кокшембал)  ялыште шочын.

1959–1963 ийлаште  Ӧркансола тӱҥалтыш школышто тунемын

1963–1967 ийлаште – Нурмо кыдалаш школышто.

9 классым тунем лекмек 1967–1969 ийлаште Оршанке педучилищыште шинчымашым поген. Тазалыклан верчын кая.

1969–1970 ийлаште Тошто кыдалаш школышто тунемеш.

Школ деч вара вигак школышто кодеш. 

1970 −2004 ийлаште  Тошто Торъял кыдалаш школышто музыко да физкультурым туныктен.

1972 ий ий гыч кызытсе марте тыгак Тошто Торъял тӱвыра пӧртыштӧ аккомпаниаторат, худоственный вуйлатышат лийын,  директор сомылымат шуктен.

1992–1997 ийлаште Марий педагогике институтышто тунемеш (заочно). Исторический факультетыште шинчымашым пойдара.

1973 ийыште ӱдырым налеш. 4 йочаже уло. 3 эрге да 1 ӱдыр.

 

2017 — Марий Эл Республикын Тӱвыра, савыктыш да калык паша шотышто министерствын чап грамотыжо

Шкенжым ойлымыж гыч 100 наре мурым возен. Кызытеш икмыняр мурыжо шке возымыж дене Марий Эл радишто йоҥгат.

Тошто Торъял клубышто аккомпаниатор семын «Ший оҥгыр» да «Кас гармонь» ансамбль-влаклан шоктымыж годым тӱрлӧ фестивальлаште баянист да солист семын выступатлен. Лауреат да диплом дене палемдалтын.

Виталий Захарович  У Торъялыште Анатолий Булыгин лӱмеш фестивальын лауреатше, Нижний Новгород олаште, Медведево поселкышто эртыше фестиваль-влакын дипломантше  лийын.

Тудо ансамбль дене пырля Киров область Пижанке район Марий Ошаевошто эртыше регион кокласе «Пеледыш пайремын» (2014), Килемар район Арде селаште  регион кокласе «Земля предков» фольклор да этнографий пайремын (2014), Нижегордский область Тоншаево поселкыште фольклор коллектив-влакын «Радуга марийской культуры»  конкурсын, да моло конкурс да фестивальлаште участник лийын.

 

 

тӱрысрак

Шочмо, 15 Ӱярня 2021

ТОВЛО кече... 5 апрель 2021

Рейтинг:   / 0

  images/TOVLO keshe 2021 - 2.jpgЧылалан ПОРО лийже. Таче  ик шонымаш дене вашкем. 14 февральыште йӧратымаш кече эртен кайыш. Но тудо чонлан содыки кӱчымырак чучеш. Мыланна марий семын шкенан пайрем, лач марий дене кылдалтше кече кӱлеш дыр…
Тыгай шонымаш шукертак толын. 5 апрельыште айста ТОВЛО кечым палемдена. Йӧратымаш кечым.
Википедий лаштыкышке пурен ( https://mhr.wikipedia.org/wiki/Товло_кече_) ончалын кертыда.
Тиде пайремым умбакыже шараш кӱлеш. Самырык-влак, тендан уш-акылда, шонымашда (идейда) кӱлеш!

Кугурак-влакат ушныза. Шонымашым темлыза.

Айста тиде кечым Марий Талешке кече (https://mhr.wikipedia.org/wiki/Марий_Талешке_) але
Марий Тиште кече ( https://mhr.wikipedia.org/wiki/Марий_тиште_) семын кумдан палемдаш тӱҥалына. 

тӱрысрак

Шуматкече, 13 Ӱярня 2021

Игорь Антропов, Александр Лопкин, Ольга Богачева да Светлана Сушкина…

Рейтинг:   / 0

                           «ОНЧЫКО» журналын у номерже лектын!

images/Onchiko 1.jpgТыште шуко лудаш уло. Но мый лач марий мурым йӧратыше да мурызо-влакым пагалыше-влаклан палдарымашым ыштынем.

Тиде гана марий мурызо-влаклан пӧлеклалтше статья-влак  ятырак уло. Фото-влакат пеш сылне улыт да чеверын койышланат.

Теве комышто, ончылно, Марий Эл радион «Идалыкысе муро −2020» фестивальыште Гран-прим сеҥен налше Игорь Антропов, а шеҥгелне  марий мурызо да гармоньчо Александр Лопкин,  мурызо да кӱслезе Ольга Богачева. Ольга нерген тыгак статьям лудын кертыда.

Мурызо нерген шомак лекте гын Марий Элык калык артисткыже Светлана Сушкина нерген пеш чапле интервью уло. Мучашыштырак ното дене палдарыме Николай Изергинын «Теле вальс» мурыжо.  А мурым возышо-влак Христина Александрован сылне почеламутшо-влакым  лудын кертыт.  Ала мурым шочыктат?  Икманаш журналым кучаш да куанен лудаш веле тыланда кодеш.

«Ончыко» журнал дене кылым ышташ шонеда гын В контакте сайтышке пурыза. Лудаш кумылан-влак книга савыктышын сайтыштым ончал кертыда.  http://maribook12.ru

images/Onchiko 2 -.jpg images/Onchiko 3.jpg   

тӱрысрак

Шуматкече, 06 Ӱярня 2021

Геннадий ГРИГОРЬЕВ. Биографий

Рейтинг:   / 0

Геннадий ГРИГОРЬЕВ. Самодеятельный автор, мурызо, бард.

Григорьев Геннадий Владимирович 1959 ий 25 майыште Марий АССР, Параньга районысо Усола ялеш шочын.

1966 ийыште Параньга поселкысо интренат-школын икымше классышкыже каен.

1970–1976 ийлаште Олор кыдалаш школышто шинчымашым поген.

1976 ийыштен тиде школым пытарен да Усола ялысе «Дружба»колхозышто паша ышташ тӱҥалын

1979 −1981 ийлаште Ежово селасе Марий совхоз-техникумышто (кызыт Марий аграрный колледж) зоотехник-организаторлан тунемын. Тудым пытарымеке, «Дружба» колхозышто ферме вуйлатышылан тыршен, умбакеыже Крым областьысе ик озанлыкыште зоотехник-селекционерлан пашам ыштен.

1986 ийыште Йошкар-Олаште илаш куснен да, пенсийыш лекмешкыже, КПД ден ЖКО-што кровельшиклан, бригадирлан ыштен.

Икымше мурым 1976 ийыште возен. Тӱрлӧ жапыште Усола, Олор ялласе, Крым областьысе ВИА-лаште бас-гитаре дене шоктен да мурен. 200 наре мурын авторжо. Эн палымыже –«Ош куэ».

2009 ийыште поэтессе Раисия Сунгурова дене пырля «Ме марий улына» мурым возеныт (А. Речкин, А. Ибулаев мурат). Тиде муро – марий самырыктукым слётын гимнже.

Геннадий Григорьев 2007 ий гыч Республикысе марий тӱвыра рӱдер пелен «У муро» студийым вуйлата. (тылеч ончыч «Югорно» бард-клубын  вуйлатышыже лийын). Тиде студий кызыт палыме шуко мурызын кушташ полшен. Нунын коклаште Александр мамаев, Ольга Якимова, Виткория Тихонова, Полина Савельева, Ольга Богачёва, Татьяна Фоминых да молат улыт.

Геннадий Григорьев – шуко авторский муро фестивальын лауреатше Тудо Киров областьысе Вятские Поляны, Коми республикысе Сыктывкар, Пермь кундем Кудымкар олаште, Марий Элысе Яльчик ер воктене эртыше муро пайремлаште усталыкшым ончыктен. Тылеч посна Башкортостанысе, Татарстанысе, Удмутрийысе, ХМАО-Юграсе мураланлаште выступатлен.

Геннадий Григорьев – кок почеламут книган авторжо: «Корныеҥ» (2009) да «100 да 50 йолагай почеламут» (2010). Муро-влакше 10 утла сборникыш да шуко дискыш пурталтыныт. Мыскара почеламутшо-влак ятыр гана «Ончыко» журналыште, «Марий Эл» ден «Кугарня» газетлаште печатлалтыныт.

Геннадий Григорьев шке жапыштыже «У вий» ушем ден МАФУН-ын чолга участникше лийын. Удмуртийыште, Мордовийыште, Йошкар-Олаште нунын эртарыме шуко фестиваль ден слётышто шкенжым ончыктен.

 Материалым

Григорьев Геннадий Владимирович родился 25 мая 1959 года в деревне Усола Параньгинского района Марийской АССР. В 1966 году начал учится в Параньгинской школе-интернате. В 1970–1976 годы учился в Олорской средней школе, после ее окончания начал работать в колхозе «Дружба». В 1979–1981 годы учился на зоотехника-организатора в Ежовском совхоз- техникуме. После окончания техникума работал заведующим Усолинской фермой. Далее его судьба забросила в Крымскую область.Там он работал в одном из хозяйств зоотехником-селекционером.Но его всегда тянуло на Родину и в 1986 году он возвращается и устраивается работать на стройку, где он проработал до пенсии. Хотя он работал на стройке, его душа всегда тянулась к музыке. Люди старшего поколения деревни Усола помнят, в свое время при Усолинском СДК работал ВИА «Юность», которым руководили в разное время Сунгуров О. С.,Зайцев Ю. А., Григорьев Г. В.В этом ВИА играли и пели Григорьев А. Х., Кузьминых А. Д., Зайцев О. Н., Кузьминых Н. М., и другие. А Геннадий Григорьев не только играл, но писал слова и музыку песен. Самая знаменитая песня того времени «Ош куэ» (Белая береза). Какое это было прекрасное время! Остается только вспоминать! Дискотеки проходили под живую музыку, на танцы приезжала молодежь с близлежащих деревень, с концертом объездили большинство районов республики. Концерт всегда начинался и заканчивался песней «Усола», слова и мелодию, к которой написал Геннадий Григорьев. Сейчас эта песня является гимном деревни Усола. Геннадий автор более 200 песен. В его песнях звучит тема любви к родной стороне, размышления о смысле жизни, о любви. В 2009 году вместе с поэтессой Раисией Сунгуровой написали песню, »Ме марий улына «, (Мы марийцы),которая стала гимном слета марийской молодежи. С 2007 года он возглавляет в Центре Марийской Культуры студию »У муро «(Новая песня). Также он возглавлял бард-клуб «Югорно» («….»). Этот клуб вывел на сцену республики таких известных певцов-Виктория Тихонова, Татьяна Фоминых, Александр Мамаев,Ольга Якимова и многих других. Геннадий Григорьев-лауреат многих фестивалей авторской песни. Свое мастерство он показывал на фестивалях и концертах в Кировской области, в республиках Коми, Башкирии, Татарстане, Удмуртии, в Пермском крае, ХМАО, в Марий Эл он со своими песнями объездил все районы. Награжден многочисленными грамотами, дипломами. Он автор 2-х книг со стихотворениями. Его песни вошли в 10 сборников, юмористические стихи неоднократно печатались в журнале «Ончыко», (ВПЕРЕД), в газетах «Марий Эл», «Кугарня» (Пятница).Также в свое время Геннадий был активным участником марийской молодежной организации «У вий» (Новая сила). Его песни, стихи звучат со сцен клубов, концертных залов. В родной деревне Усола его не забывают, приглашают на праздники, на мероприятиях звучит его гимн-песня «Усола».

Светлана Ларионова, художественный руководитель Усолинского СДК.

тӱрысрак

Вӱргече, 24 Пургыж 2021

Валерий ТИХОНОВ нерген

Рейтинг:   / 0

Валерий ТИХОНОВ — (20 ноябрь 1965 ий16 ноябрь 2020 ий) (статьям ЕШАРАШ да ТӦРЛАТАШ кӱлеш) Самодеятельный автор, мурызо, баянист

Тихонов Валерий Сергеевич Морко район Кумыжъялыште 20 ноябрь 1965 ийыште шочын.

1975 −1982 ийлаште — художественно-музыкальный школ-интернатыште тунемын.

1982 — 1985 ийлаште — Палантай лӱмеш музыкальный училищыште баян дене отделенийыште шинчымашым налын.

1985 — 1986 ийлаште — Морко йоча музыко школышто баян классыште преподавательже…..

Тичмашнек тыште — http://marisong.ru/informaci/artisty/204-valerij-tikhonov-biografij

тӱрысрак

Валерий ТИХОНОВ - биографий

Рейтинг:   / 0

Валерий ТИХОНОВ  — (20 ноябрь 1965 ий16 ноябрь 2020 ий) (статьям ЕШАРАШ да ТӦРЛАТАШ кӱлеш)

Самодеятельный автор, мурызо, баянист

Тихонов Валерий Сергеевич Морко район Кумыжъялыште 20 ноябрь 1965 ийыште шочын.

1975 −1982 ийлаште — художественно-музыкальный школ-интернатыште тунемын.

1982 — 1985 ийлаште — Палантай лӱмеш музыкальный училищыште  баян дене отделенийыште шинчымашым налын.

1985 — 1986 ийлаште — Морко йоча музыко школышто баян классыште преподавательже

1986 — 1988 — СССР армий радамыште службым эртен

1988 — 1991 — Шкетан лӱмеш Марий музыко да драма театрыште оркестын артистшылан ыштен.

1991 ий — Музыкально-художественный школ-интернатыште баян классыште преподаватель

1991 — 1998 — Советский район Вятский тӱвыра пӧртыштӧ художественный руководительже.

1998 — 2005 — Вятский кыдалаш школышто туныктышо, концертмейстер лийын.

2005 — Марий тӱвыра рӱдерыште методист 

2005 — 2020 — Республикысе «Калык усталык да культурканыш паша шотышто шанче-методик рӱдер» кугыжаныш тӱвыра бюджет тӧнеж пелен улшо  «Марий Памаш» фольклор-этнографий ансамбльын аккомпаниатор, концертмейстерже

Тыгак шуко жап «Марий Эл Республикын ешартыш шинчымашым пуышо «Калыкле президент сымыктыш школ» тӧнежыште аккомпаниаторлан паша ыштен.

 

1991 ийыште мурым возаш тӱҥалын. Возымашыжым  ятыр мурызо да тыгак шкежат мурен.

Муро книга-влак:

2004 ий — «Чоныштем муро йонга» муро сборникым луктын

2010 ий — «Блок нот» по народному танцу. Учебный репертуар ДМШ и ДШИ

20.. ий — «Шулдыраҥын чоҥеште мурем» муро сборникше лектын

 

2008 — Марий Эл Республикын Тӱвыра, савыктыш да калык паша шотышто министерствын чап грамотыжо

2010 — Марий Эл республикысе Кугыжаныш погынын чап грамотыжо

2015 — Мер Каҥашын чап таныкше

2016 — Марий Эл  республикысе Виктерын чап грамотыжо

Тихонов Валерий Сергеевич родился 20 ноября 1965 года в МАССР Моркинском районе д. Кумужъял

1975 — 1982 годах — учеба в музыкальной школе-интернате

1982 — 1985 года — Учёба музыкальном училище имени Палантая

1985 — 1986 г.г.— Преподаватель по классу баян Моркинской детской музыкальной школы

1986 — 1988 — служба в рядах армий СССР

1988 — 1991 — Артистом оркестра Марийского драматического театра

1991 ий — Принят в музыкально-художественную школу-интернат в качестве преподавателя по классу баян

1991 — 1998 — Художественный руководитель Вятского сельского Дома культуры Советского района

1998 — 2005 -  преподаватель концейтмейстер Вятской средней школы

2005 — методист  ГУК РМЭ Центр марийской культуры

2005 — 2020 — аккомпаниатор, концертмейстер народно-фольклорно-этнографического ансамбля «Марий Памаш» Республиканского научно-методического центра народного творчества и культурно-досуговой деятельности 

 

2008 — Почетная грамота Министерства культуры, печати и по делам национальностей

2010 — Почетная грамота Государственного Собрания Республикик Марий Эл

2015 — Почетная грамота Всемарийского Совета

2016 -  Почетная грамота правительства Республики Марий Эл

 

тӱрысрак

Кушкыжмо, 16 Пургыж 2021

Михаил ВЕСЕЛОВ биографий

Рейтинг:   / 0

Veselov MМихаил ВЕСЕЛОВ  -  24.06.1983 -   мурызо, самодеятельный автор, гармоньчо

Веселов Михаил Иосифович 1983 ий 24 июньышто МАССР Параньга район Кугу Пумарий (Елеево) селаште шочын. 

1989 ийыште   Кугу Пумарий школышко 1 классышке каен.

1998 ийын 9 классым тунем пытарен да Шернур СПТУшко каменщиклан тунемаш пурен.

2000-2002  — Тихоокенский флотышто службым эртен.

2002- 2003 ийыште контракт почеш служитлен.

Мӧҥгыже пӧртылмек амалкалче да тӱрлӧ сомылым шукташ тӱҥалын. Концерт-влак дене коштеш. Шкет да тӱшкан выступатла.

2005 ийыште  Надежда Веселова (Князева) дене ушнат.

Кум йочашт уло. Богдан (2006), Глеб (2008), Милана (2014).

Уверым налме.  Н. Веселоваhttps://vk.com/id236304268   М. Веселовhttps://vk.com/veselamari

2018 ийыште сольный  DVD да CD-дискше-влак лектыныт.

CD —  «Шке илыш нергенем», DVD – «Шке илыш нергенем»

2018 ийыште Елеево да Йошкар-Олаште сольный концертше-влак эртеныт.

«Марий Эл» газет гыч статья. 2018 ийыште лектын. Журналист Алевтина Байкова интервьюм налын.

 «Пелашемлан вес семын мурем»

Шукерте огыл тиде артистын гармоньым шоктен мурымыжым куанен ончен шинчышым. Чынрак каласаш гын, тавалтен, тавалтен, кидым кырен нойышым. Мылам веле огыл, зал калыкат сценыш тудым кум гана лекташ йодын. Мастарын шокталтен, муралтен, чоян ончалын колтымыжо денак калык чоныш куаным пурта, тавалташ тарата. Тиде – Михаил Веселов.

Миша Параньга районысо Кугу Пумарий ял гыч. Тусо клуб пеленсе «Куван кеҥеж» ансамбльын аккомпаниаторжо. Кунамсек тудо гармоньым шокта? Мурым возаш мо таратен? Шкеж дене вашлийын икмыняр шомакым вашталтышна.

— Гармоньым 12 ияшем годсек шоктем. Авамын шольыжын гармоньжым эре темдыштынам. Изишак сем лекмеке, куанен, эшеат чот тыршенам. Кок ий гыч марла мурым возен, йоҥгалтараш тӱҥалынам. А тиддеч ончыч руш муро-влакым возенам, муренам. Тунам школ пелен «МВС» ансамбльым чумыренна ыле. Тушто Миша, Владимир, Стас да икмыняр ӱдыр лийынна. Тунам рушлат, марлат шке йӱк дене муренна. Вес районлаштат ӱдыр-влакын чоныштым «йӱлалтенна». Поснак Марий Турек велне концерт дене мийыме келшен. Тушто кажне клубышто зал тич калык куанен вашлийын.

— Концертыште йот мурын семжылан Роза нерген мурым калык куанен колыштын. Тудо кєн лўмеш?

— Роза – авамынат, пелашемынат лӱмжӧ огыл. Роза лӱмым Надяланат вашталтынем ыле, но… Лач роза пеледыш веле ал, йошкар да моло чевер тӱсан лийын кертеш. Адакшым пелашемлан кажне пайремлан манме гаяк роза-пеледышым пӧлеклем. Мурышто «Розам» «Надялан» вашталтен, пелашемлан мӧҥгыштӧ мурен кертам.

 «Роза» мурем аван кечыж деч ик кече ончыч возенам ыле. Тудым икымше гана ялысе клубыштына эртарыме концертыште чыла ава-шамычлан пєлекленам. Кеч-кӧланат Ава – эн шерге айдеме. Лач нуно, муро гоч шкеныштын рвезе годсо пагытыштым шарналтышт манын, шоненам. Тыгак рвезе-влакын чоныштым йӱлалташ шонымаш лийын.

— Тугеже йӧратымаш теме тылат лишыл…

— Самырык годым кажныжым тиде шӱлыш авалта. Чын, мылам тиде теме эн лишыл. Илыш нергенат, телевизорым ончымеке, рекламе нергенат тӱрлӧ мыскара такмак-влак шочыныт. Но але марте дискым луктын шуктен омыл. Лишыл жапыште лач тиде пашалан пижнем. Муро, такмак-влак ик дисклан веле огыл ситыше погынен.

— Мурымат возет, семымат келыштарет. Икымше аклышет кӧ?

— 2005 ийыште ешаҥынам. Тиддеч вара кажне мурын я семжым, я мутшым пелашем икымше гана колеш. Тудо колыштеш, акла. Эн ончыч сем шочеш гын, мурын мотившым йодеш. Пелашемлан келша гын, «возо» манеш.

— Пелашет сценыште мура мо?

— Шкенжын ойлымыж почеш палем: тудо изиракше годым сценыште мурен. А кызыт лач мӧҥгыштӧ пайрем але родо-тукым дене чумыргымо годым пырля муралтена. Кок эргына кушкыт. Кугуракше, Богдан, мыйын семынак гармоньым шокташ йєрата. Семӱзгарым темдыштмем годым парня-влак модмым тӱткын эскера. А изиракше, Глеб, мураш кертеш.

— Еш ансамбльымат чумыраш шонымашда лийын огыл?

— Ешыште чылан мураш мурен коштшаш огытыл, шонем. Мыйым ончен тек куанат,— воштылмо йӧре каласыш Михаил.

— Иктаж вес семӱзгар дене эше шоктет?

— Гитар дене шокташат келша. Поснак армийыште служитлыме годым яра жапыште, йолташ-влак чумырген, веселитленна. Мый марий мурым муренам. «Йот мурымат мурен моштет?» — коклаште йодшо лийыныт. Юрий Панфилов йолташ дене, тудо Дальний Восток гыч, мурым шке возымына кызытат ушыш пура.

Икманаш, гармонь дене шоктышо-влак коклаште самырык-влакын ешаралтмыштым сайлан веле шотлаш лиеш. Тугеже мотор йӱкан гармоньын семже сцене илышыште веле огыл, яллаштат илаш да шокташ тӱҥалеш.

А. Байкова. «Марий Эл» газет.

тӱрысрак

Кугарня, 05 Пургыж 2021

ИДАЛЫКЫСЕ муро - 2020

Рейтинг:   / 0

Mari IDALIK 2020

Идалыкысе муро — 2020 ийысе муро фестивальын  иктешлымашыжым Марий Эл радио онлайн йӧн  дене эртарен колтыш. 5 февраль кастене 19 шагат гыч 21 шагат марте опер да балет теарыште лач артист, вӱдышӧ да автор-влак лийыныт. Туге гынат интернет гоч шукын онченыт. Тыгак  радиоштат  вияш эфирыште трансляций каен.

Чыла гаяк лӱмло да шуко самырык мурызо-влак сценыште шке койыш шоктышытым ончыктен улыт.  Теве выступатлыше-влакын спискышт. Ончалын  кертыда 

Mari IDALIK 2020 - 1Mari IDALIK 2020 - 2

Mari IDALIK 2020 - 5

 Кумылан-влак ютубышко пурен эше ик гана ончен кертыт.

https://www.youtube.com

Ик оҥай пале сценыште уло ыле. «Пел» Шкетан театр фестивальыште выступатлыш. Кок вӱдышӧ М. Почтенева ден А. Асмаев да мурызо-влак С. Сандакова, С. Строганова, И. Антропов, А. Юнусов,  Качыри бавай (С. Малинина)

Теве 2020 ийысе номинацийыште сеҥыше-влдак: Гран-при — Игорь Антропов  — Канде муро (А. Горинов- Е. Анисимов)

Интернет йӱклымаш номинаций  — Евгений Иванов – Марий мланде – шочмо вер» (Т. ПчёлкинаИ. Егоров)

Эфир йӱклымаш – Марина Иванова – «Шочмо кечет дене ковай» (Х. АлександроваВ. Апталиков)

Фестиваль жапыште йӱклымаш – «Качери бавай» — «Антивирус муро» (Качери бавай – С. Устюгов) да тыгак мучашыште тиде муро дене касым мучашлышт. Вес фестиваль марте.

тӱрысрак