Арака логарышке мурен пура,
Йолтаганышке шумеш капет ыра,
Руштмекет, тушманетат моктен мура…
Василий
Калыкна эше тыгайымат ойлен:
Арака сӧснаш айдемым савыра,
Арака чара кодмешке йождара,
Арака саҥгат гыч чӧгыт ден кыра.
Василий
Шочмо да кушмо кугезе илем
Тек лиеш юмын пусак марийлан.
Мӱкш ешла порын, моторын илен,
Ош марият куана кечылан.
Василий
Арака лиеш гын
Ешан вуй,
Илыш тиде ешын
Лиеш туй.
Василий
«Ленфильм», «Мосфильм»,
«Мафильм», «Азфильм»…
Кунам ала
Лиеш «Марфильм»
Василий
«Шортын толешат, мурен кая», -
Калыкна окса нерген ойла.
Мый шонем: шоҥгемын
Южын – модын толешат, нюслен кия!
Василий
Пиал нерген ме шортына,
Тудлан пыжашым оптена,
А тудо кайык гай улмаш:
Торжам шижмек,
Вашка шылаш.
Василий
Южгунам ӧрам мый пиемлан:
Мыйым ужын, куана туге,
Ушыжо кая, шонет, коклан…
Лишыл еҥ огеш вашлий тыге!
Василий
Чехов годым веле, шонеда,
Шуйыштӧ шинченыт
Очыни, тачат вашлийыда
Нуным ожно годсыла лыҥак.
Василий
Ок колыштат,
Милиций пашаеҥ ден тудым лӱдыктат,
А, чынжым, кӱлын
Лӱдыкташ тыге, векат:
«От колышт гын,
Тыят мемнан гаяк лият!»
Василий
«Шыжвазар», Кугече, Семык,
Шорыкйол да Ӱярня –
Кажныже йоҥга мур семын!
Меак нуным монденна.
Василий
Родем, тый ит куане,
Ит моктане,
Сеҥет гын пошкудетым вурседал:
Тыгодым тудым
Тый шижде пуштатыс,
Кеч лӱмнеретым
Кодынет саклал