MARISONG.RU

Муро, муро тый от лий гын...

/** *
*
* * * * * * * * * * * * * * *
Get Adobe Flash player
* *
* *
*
*
*/

у ий дене!!! Реклама

 

1Рейтинг:   / 2
ПлохоОтлично 

 Ёлкин Илья Васильевич

Тыгай паша – томаша: Мыскара, койдарчык, сценке-влак. Йошкар-Ола: ООО ИПФ «СТРИНГ», 2017. – 126 с., илл. Мыскарам возкалыше Илья Ёлкинын тиде кумшо книгаже. Чаманен каласаш логалеш, автор кызыт мемнан коклаште уке, но тудын весела кумылжо марий тўня аланыште эре илаш тӱҥалеш. Илаш тӱҥалеш серен кодымо сылнымутан мыскараже-влак дене. Автор тыштемемнан чылт марий койышнам, шонымашнам, шижмашнам пеш тӱткын да чаткан почын пуа, ты шот гыч моткоч шкешотан мастар улеш.

Юмын пуымо мыскара кумылан ыле.

Жап шке пашажым пеш сайын пала: шагат почеш шагат, кече почеш кече да ий почеш ий-влак эртенак эртат. Теве шукерте веле огыл, а тидлан латик ият эртыш, мый Илья Ёлкин дене палыме лийым. Тудо, вияш эфирыш йыҥгыртен, шке мыскаражым темлен ыле. Икымше жаплаште тӱрлӧ ужмо-колмо историйже-влакым каласкалыш. Варажым шке возымо да газетлаште печатлалт лекше историй-влакшымат лудо.

Таче мый ЫЛЕ шомакым кучылтам. Поро йолташем тиде тӱня дене чеверласыш: 2016 ий май тылзын каен колтыш.

Варажым Илья Васильевич мыскара «сериал-влак» дене лекташ тӱҥале. 36 серий мартеат возен ыле. Кажне серийже ик арнялан лийын…

Шке шотан мыскара историйже-влак кумылым пуеныт, веселаҥденыт, шоналташ таратыктеныт. Пӱсӧ мыскараже пӱшкылыныт.

А кылна гын пеҥгыдырак да пеҥгыдырак лие. Тиде жапыште кок книгажым лукташ полшышым. Икымше книгаштыже «Марий Эл», «Кугарня» да Советский посёлкышто лекше «Район илыш» газетлаште лекше ойлымашыже-влак ыльыч. Ик ойлымашыже лач книга лӱмлан вуймутым пуаш полшыш. «Кузе вате марийжым туныктен».

Илья Васильичын возымыжо эркын-эркын шукеме да шукеме. Кокымшо книгаланат погынен шуо. «Кузе Кожай ӱдырым налын» — тыгай лӱм дене тудо лекте.

Ончыко журналыште пытартыш ийлаштыже кажне номерыште манме гаяк мыскара ойлымашыже савыкталтыч. У материал ятырак погынен. А теве радишто каласкалымыже шукыжо печатлялтын огыл ыле.

Кок книгаштыжат редактор семын Марий Элын калык писательже Юрий Галютин сомылым шуктыш.

Илья Васильевичын ош тӱня гыч кайымыж дене мыланем пеш йӧсӧ. Шонымашна-влак ятыр улыт ыле. Теве ик кугу шонымашыжым ынде тудын деч посна шуктем.

Сценылан монолог да сценке-влакым возышо-шамыч кӱлыныт. Вет марий мыскара эстрадыште кажныже шке семын гына почаҥ толаша. Лӱмынак возышыже уке гаяк. Тиде нерген Илья Васильевич дене ятыр кутырен улына. «Шоналташ лиеш»,—  манын ойлыш. Варажым кажне вашлиймашыштына оҥай деч оҥай сценылан сӱрет-влакым мыланем шуко каласкалыш. Тыге ятырже, кӱын шуын, кагазыш возалтыч. Икмынярже йодмаш почешат улыт ыле. Илья Васильевич журналистке- мыскараче Вера Гороховалан, Российын сулло да Марий Элын калык артистше Маргарита Медиковалан да мыланем лӱмынак возен ыле.

Паледа, творчестве пашаште айдемылан юмо мастарлыкым ок пу гын, нимом ышташ ок лий. Тиде чыным шке жапыштыже эше «Марий Эл» газетыште литератур редакторлан пашам ыштымыж годым Зоя Дудина ойлен ыле: «Илья Васильевич ялысе йырваш илыш гыч оҥай сӱрет-влакым пеш чаткан да оҥайын пуен мошта, йылмыжат яндар…»

 Ӱшаненам: мыскара усталыкше кугу ыле. Воштылчык кумылым Илья Васильевичлан Юмак пуэн. «Эх-х!..» — таче келгын шӱлалтем… Тудым еҥ-влак чурий дене палыдеак кодыч. Мыняр гана «Мыскара йӧрвар» концертыш ӱжынам ыле. «Ялыште паша, ок лий каяш» манме денак кодна вет. Йӱкшӧ, шкеже уке гынат, радиошто йоҥгалтеш…

Илья Васильевич, кийыме мландет пушкыдо лийже. Мыланна йӧным ыштен шого. Шонымаш-влакетым эше ыштен шуктыман.

                              Сергей Карпов