MARISONG.RU

Муро, муро тый от лий гын...

/** *
*
* * * * * * * * * * * * * * *
Get Adobe Flash player
* *
* *
*
*
*/

у ий дене!!! Реклама

 

1Рейтинг:   / 3
ПлохоОтлично 

 Ӧлӧҥгӧ он лӱм дене Марий Эл радишто  конкурс эртыш. Тиде муткылдышым  икымше гана колмеке да лудын лекмеке ик йодыш лектеш. Мо тиде тыгай?

Радиошто калыкым куандараш манын тӱрлӧ конкурс-влакым эртарена. Кажне рушарнян «Мыскара йӧрвар» мыскара сынан программе кая. У шӱлыш пурташ, у каласкалыше-влакым муаш да колыштшо-влаклан радио дене пырля лияш кумылышт лийже  манын эре ала-мом гынат уым кычалына.

 Ала-кузе книга-влакым шергал шинчыме татыште Виталий Дмитриев-Озийын                          мыскара книгаже кидыш логале да вуйлымаште оҥай мут  перныш.  Ӧлӧҥгӧ (анекдот).

 

 Анекдот мутлан марий мут лийшаш огыл мо манын, шомакым конкурсышто кучылташ шонен пыштышым. Вет чылт марий мут. Куд буква гыч ныл букважым марий еҥ гына ойлен кертеш. Палемдыман ондак шуко еҥ тиде мутлан нерым куптыртыл нале. Но эркын тиде мут, эн тӱҥжӧ конкурс,  шуко еҥым таратыш ушнаш. Йыҥгыртыше-влак ятырак улыт ыле. Нунын коклаште моторын каласкалыше-влак шукынак ыльыч. Но кок йыҥгыртышылан смс серышат ятыр пурыш. Шкештат пеш чаплын ӧлӧҥгӧ-влакым «лупшышыт». Артист гаяк. Октябрь тылзе мучко кажне арнян ямдылалтын лекташ тыршеныт. Калыкым шке ӧлӧҥгышт дене куандареныт. Тиде Звенигово район Кужмара гыч Руфина Васильевна Никитина дене Морко гыч Наталия Александровна Никифорова. Пеш чот кугу ӱчашымаш кайыш. Изиш шукырак  смс йӱклымаш дене Наталия Александровна  сеҥыш. Тудым 12 ноябрьыште Марий самырык театрыште эртыше Геннадий Копцев лӱмеш мыскара фестивальыште  палемдымаш эртыш.

2017 ийысе «Ӧлӧҥгӧ он» — Наталия Никифорова. А ме тиде конкурсым вес гана умбакыжат шуяш шонена. Ушнеда манын ӱшанен кодына.