MARISONG.RU

Шӱмбел-влак! Шӱмыштӧ те иледа.

Лийже орлыкдымо кугу тӱняда.

Авана семынак кужу деч кужу

Пиалан ӱмырым илена шер теммеш

  Чыла тӱҥалын ӱдырамаш деч. Мемнан ныжылге авайна, пагалыме ковайна, шочмо ака-шӱжарна, йӧратыме пелашна-влак, изи падырашна-влак, чӱчӱньӧ, кокай-влак! Мыняре шукын те улыда! 8 Мартым тыланда волгыдо, яндар, тыматле пайремыш савыраш тыршена. Тек ончыкшым илышдам кечан ош кече, чевер-ал ӱжара, лыжга лай мардеж, яндар памаш шинча да сылне марий муро курымеш волгалтарен шогат.

Весела да кумыл нӧлтшӧ тулым,

Эр ӱжарала волгалтше илышым,

Мамык гай пушкыдо кумылым,

Тазалык ден пиалым тыланена.

  Тыланена ош лум гай яндар кумылым. Шӱм-чонышкет поран ынже пуро, ныжыл кумылет памаш вӱдла эре йоргыктен йогыжо.

Йӧрате тый шкендым, йӧрате,

Воштончыш вокгене кастене

Тӱсетым моторын тӧрлате.

Йӧрате тый шкендым, йӧрате.

Чамане тый шкендым, чамане.

Лыжга шомак дене шымате,

Пелеште сай мутым, куане.

Илет гын куатле тӱняште,

Чамане тый шкендым, чамане.

  Ковай, чоныштет ош ландыш пеледалтше, кумылет эре шошо кече гай лийже, шоҥго могырет лыве гай куштылго, вуй ӱмбалнет эн сото канде кава лийже.

Тек ал роза илыш корныдам леведше,

Кугу пиал да сеҥымаш эре лиеш.

Шӱм-тул йӧратымашда ынже йӧрӧ,

Кужу лийже, таҥ-влак, сайын пӧрдшӧ.

  Акаланна, шӱжарланна йолгорно гай ӱмырым, писте гай пушкыдо кумылым, тумо гай пеҥгыде тазалыкым, чурийыштыда пайрем тӱсым, янда гай яндар кавам тыланена.

Тыланет ойлынем,

Тыланет мурынем,

Лиям кече изи чоныштет.

Мый ойгетым тоем,

Куанетым пайлем,

Куанетым шижде ылыжтем.